Monday, April 16, 2007
جبران
بالاختصار فالشرقيون يعيشون في مسارح الماضي الغابر ويميلون الي الامور السلبية
.
والمسليه ويكرهون المبادئ والتعاليم الايجابية المجردة التي تلسعهم وتنبههم من رقادهم
.
العميق المغمور بالاحلام الهادئة.
.
انما الشرق مريض قد تناوبه العلل وتداولته الاوبئة حتي تعود السقم وألفه واصبح ينظر الي
.
أوصابه وأوجاعه كصفات طبيعية بل كخلال حسنة ترافق الأرواح النبيلة والأجساد
الصحيحيةفمن كان خاليا منها عد ناقصا محروما من المواهب والكمالات العلوية
.
وأطباء الشرق كثيرون يلازمون مضجعه ويتأمرون في شأنه ولكنهم لا يداوونه بغير
.
المخدرات الوقتية التي تطيل زمن العلة ولا تبرئها
...
انا ابكي علي الشرقيين لان الضحك علي الامراض جهل كبير
انا انوح علي تلك البلاد المحبوبة لأن الغناء أمام المصيبة غباوة عمياء
جبران خليل جبران كتاب العواصف 1920
دي نظره جبران خليل جبران للشرق
وجهة نظره تحتمل الصواب والخطا اكيد انا متفقه معاه في حاجات كتير
بس الغريب ان الواقع دا مش بيتغير يعني جبران شافه كده وانا شايفه كده
مش عارفه هو المفروض يتغير ولا من المفترض انه يتغير
Subscribe to:
Post Comments (Atom)
12 comments:
انا عاجبنى كلامة اوى
وانتى اخترتى راى انسان جميل
بس فى اختلاف بسيط
انا شايف ان الشرق بيهرب مالمبادى
انا شايف انة لحد دلوقتى اكتر ناس متمسكة بالمبادى
اختيار موفق كالعاده لاديب من افضل ما انجب هذا الشرق الذي يتحدث عنه مع احترامي الشديد لرآيه فانا اري بوضوح صوره جميله لشرقنا ترسم بيد شبابه فمادام هناك شخصيات مثلك و مثل الكثيرين من الشباب ابناء هذا الشرق من يحاولون جاهدين ان يأخذوا بيد ابيهم العليل و يحاولون باستماته مداواته من علله فهذا اكبر دليل علي اننا كشرقيون لم نعتاد المرض و لو نستسلم لوهننا
مش فاهم حاجة
الشرق الي حد كبير بيحاول يتمسك بالمبادئ
بس هو اكتر شئ متمسك بيه ممكن القيم والتقاليد
قطر الندي
منوره يا ندي انا متفقة معاكي في ان احنا اللي اكيد هنغير للاحسن
بس المشكلة ايه يجمعنا و منين نبدا
كلام حلو قوي ,,شكرا لعرضك اياه
تحياتي
اختلف كثير مع رأي جبران
وإن كنت اري اناه جانبه الصواب في بعض منها
نعم نحن تعودنا علي السقم وألفناه واصبحنا ننظر الي اوجاعنا كصفات طبيعية
ولكننا احسن بكثير من مجتمع الغرب الذي تطغوا عليه الاباحية
فعلي الاقل نحن تحكمنا مبادئ وحدود علي الرغم من سلبيات كثيرة
ولكنه رأي وكما قلتي يحتمل الصواب ويحتمل الخطأ
جزاكي الله خيرا علي الموضوع الجميل
تحياتي لك واستودعك الله
فساد الانظمة وعدم العدل بين الناس
هيا سبب النظرة دى
تحياتى
احنا حاليا متمسكين بالعادات فقط
عادة اصبحت حياتنا عادة
حتي الافراح والمواسم
ابن ناصر
شكرا لمروك
تحياتي
الراقص مع الذئاب
وجهة نظرك صح بس السبب في دا دينا مش مبادئنا
انا اعتقد ان جبران وجهة نظره المبادئ الخاصة بالعمل والكفاح والتغيير
مش الاخلاق لان طبعا احنا الافضل في دي
tamer nabil
متفقة معاك في ان العدل والحرية والحق
دي حاجات تبني مجتمع صح
بس اصلا الناس اتعودت علي كده
نظام الحريه والعدل وحقنا وحقهم دا
ميمشيش معاهم
الناس اخدت علي الظلم هو مش الوضع الصح بس دا الواقع اللي عايشينه
يا ريت نتغير
شكرا لمرورك وياريت تتكرر دايما
كراكيب عادل
احنا اكيد متمسكين بالعادات والتقاليد ودا في راي مش تخلف مدام العادات دي كويسة ومش بتضرنا
نورت المدونة
Post a Comment