محمد محمد الجندي : كتاب صوت من جوه
شايف ناس بتصون الحب
وناس بتاجر في الإحساس
...
شايف ناس من غير ذنب
شايف ناس من غير ذنب
...
شايلة قساوة قلب الناس
...
***
شايف ناس عايشة عالفرح
...
وناس غرقانة في بحر هموم
...
شايف ناس بتنام للصبح
...
وناس ما بتعرف طعم النوم
...
***
...
شايف ناس بتنام عالأرض
...
ناس مرتاحة وخالية البال
...
وناس بتنام بالطول والعرض
...
شايلة هموم الدنيا جبال
...
***
..
شايف ناس لها شكل الناس
..
إنما قلب ومعنى ما فيش
..
ناس معدومة الإحساس دائما تاخذ مابتديش
..
***
..
بيني وبينك
..
..
أنا مش شايف ناس بصحيح
..
عايز الجد ورأي صريح
..
أنا مش شايف غير أتنين
...
واحد
...
.. عاش .. الكذب في دمه
...
وواحد
...
.. مات .. من صدقه وهمه
***
7 comments:
السلام عليكم
الموضوع جميل زي كل مرة يا بوسي
جزاكي الله خيرا علي نقل هذا الابداع دوما
جميله قوي يا بوسي
شكرا ليكي
الراقص مع الذئاب
متشكره علي مرورك عندي بالرغم من ان الاجازه صغيره
ربنا يوفقك في الجيش يا محمد وتروح وترجع بالف سلامه
وبعد طبعا ماروحت الجيش اتغير اوي بس للاحسن والله
ترجع بالسلامه ان شاء الله
ابن ناصر
يا دي الغيبه
انت كان عندك امتحانات ولا ايه
علي العموم نورتنا
ونشوفك تاني ان شاء الله
كالعادة يا بوسي كلامك جميل واحساسك رقيق واختيارك للكلمات اكثر من روعه يارب دايماً تكوني بالمقدمة
ربنا يوفقك
تحياتي
بحاول اكون
اول زياره ليكي في المدونه دي
متشكره اووي علي كلامك الجميل ونشوفك دايما ومستنين الجديد دايما في مدونتك الجميله
كلام رائع يابوسى
ماشاء الله عليكى
تحياتى
Post a Comment