في فصل في الكتاب دا اسمه نحن وارائنا بيتكلم فيه عن الانسان ورأيه
وبيعمل مقارنه سريعه عن الانسان في الحضاره الغربيه ورأيه
وعن الانسان في الحضاره الشرقيه من خلال رؤيه جميله جدا
بيقول
في الحضاره الغربيه انسان هذه الثقافات يبدو أثناء الحوار وكأنه يضع أراءه علي مائده الحوار مع أراء أخري يضعها علي نفس المائده غيره، ثم تتفاعل وتتعامل الأراء مع بعضها بمعزل عن اتصالها بكينونة اصحابها في عمليه يستقل فيها الانسان عن الاراء المطروحه وبعد تفاعل الحوار ، فان كل انسان يأخذ من فوق المائده منتجا جديدا غير الذي وضعه بيده عليها ،يعد نتاج لتفاعل الاراء والافكار ووجهات النظر بشكل حر خال من العصيبه الناجمه عن التصاق الاراء باصحابها وكرامتهم وكبريائهم
اما عندنا فالأمر مختلف كل الاختلاف ، اذ أن الاراء تكاد تكون لاصحابها مثل الاعضاء والملامح فهم من جهة يعتزون بها اعتزازا يخرج بالعلاقه عن اطار الموضوعيه ويدلف بها الي دائره الذاتيه والشخصانيه، وهم من جهة اخري يخلطون ما بين كرامتهم وكبريائهم وأي مساس بتلك الاراء أو محاولة لدحضها او حتي تعديلها
43 comments:
احنا فعلاً لازم نتمسك بآرائنا والا تتلغي شخصياتنا والفرق ما بيننا وبين غيرنا بس الأهم من كده ان يكون عندنا مرونة يعني لو في رأي غير رأيي هو الأصح والأسلم والأكثر منطقية لازم فوراً أتنازل عنه لأنه كده هيزودني بوجهة نظر جديدة من خلالها آرائي هتتغير
لكن طبيعة الشرق فعلاً زي ما الأستاذ "طارق حجي" قال انه بيحس انها جزء منه لو اتنازل عنه يبقى خلاص كرامته انتهت ومعادلوش قيمة .. الجماعة دول للأسف الشديد أفقهم ضيق يا بوسي
تحياتي الكبيرة لهذا البوست المفكر
shams
ازيك يا شمس
نورتي مدونه كلام جميل اصل البلوج دا للناس الجميله بس
ربنا يخليكي علي كلامك
وانت بالظبط قلتي راي في الموضوع
اعرف ان طارق حجى من الليبراليين القلائل المحترمين فى مصر
وعشان ده بصدقه وبتفق معاه كمان
عندنا حاله من الصراخ وليس الحوار للاسف الشديد
مع ان هذا اصلا ضد اسلامنا
محمد الهنداوي
انا فرحانه جدا ان لاقيت حد بعرف طارق حجي وبيحبوا
انا بعشق دماغ طارق حجي
وبتفق معاها كتير بس مش دايما
بحييك
واتمني اشوفك دايما
انا شخصيا مكنتش اعرف طارق حجى
بس ادينى عرفته على ايديكى اهو
كلامه صح
وبنقابله فى حياتنا كل يوم
اقعد اقول نتفاهم يا جماعة
براحة مش كده
بس ساعة الجد تلاقينى بتمسك برأىى وبزعل اوى لو محدش نفذه
لانى بحس انى صح
ديكاتورية انا
صح؟؟؟؟
انا ساعات بحس اللى قدامى مش عارف مصلحته
بس تعرفى ؟؟
بعدها بندم
واقول انا شايبفة مصلحتهم من وجهة نظرى
اكيد وجهة نظرهم ليها اعتبار وهما حابين نفسهم كده ويمكن راىى مش متفق مع اللى هما شايفينهم مصلحة
اكيد هتقولى عليا متناقضة
بس غالبا انا احب اعترف بغلطى لو كنت غلطت طبعا
تحياااتى
المدوةنة دى فكرتها روعة
احيييكى
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso. (If you speak English can see the version in English of the Camiseta Personalizada. If he will be possible add my blog in your blogroll I thankful, bye friend).
هو احنا ايه غير مجموعه اراء ببني عليهاتصرفاتنا
مجموعه قناعات جمع قناعه
بتحكم تصرفاتنا
بوست عميق اوي
ومحتاج وقت طويييييييييل عشان يتفهم
تحياتي
حدوته
منورنا يا قمر
ادخلي علي اللينك بتاع طارق حجي واقراي كلانه ليه كتب منشوره
بجد هتستفيدي منه جدا
اما انك تشوفي ان في ناس مش شايفه مصلحتهم
بجد خليهم مع نفسهم
كل واحد عارف فين مصلحته بس في ناس بتستهل وبتعمل نفسها مش واخده بالها
كلنا جوانا تناقضات
والتناقضات دي مشكله حياتي
احنا زي الدنيا الدنيا فيها تناقضات كتير واحنا زيها
بس مين يستوعب
اسعدني مرورك دايما
واعتبرك صديقه للبرنامج
نورتينا
اسكندراني اووي
معلش شكلي استغليت وقت كتير من وقتك
بس اكيد استفدت
بالنسبه لانسان ورايه رايه اللي بتني عليه تصرفاته
الراي دا بتكون من ايه
من اعتقادات يعني ملمات اشياء اخدناها كده ومحولناش نفكر فيها
ومع ذلك بتاثر علي تفكيره وراينا
وتصرفتنا
منظومه غريبه
اسعدني مرورك
عندنا لما حد بيرفض او بينتقد رأى حد بيعتبروه نقدا للشخص ذاته ورفضا له كشخصية مش رفضا لرأيه
عشان كدا كل حوار بينتهى بخناقة وتقفيل للدماغ
وصوت عالى وخلاص
مثال اخر
فى الغرب تعمل الحكومات لزياده دخل الفــــرد)
اما فى الشرق تعمل الحكومات لزياده دخل( فــــرد)
الفرق الف ولام فقط
تحياتى
barbie girl
اهلا بيكي
منورانا
معاكي حق
وفي الاخر مش لازم نسميه حوار نسميه خناقه
مره كنا بنتكلم كشعبه مع الدكتور
بنتكلم كلنا في موضوعات عامه
كل مره بتنتهي بفوضه غير معقوله
تخيلي دا بيحصل في وجود شخص بيدير الحوار
امال لما نتكلم مع بعض من غير الدكتور
هنقطع بعض
تحياتي
لمروك
ممكن
ان شاء الله
اولا نورتنا
ومتشكره اوي علي تواجدك في المدونه
وياريت نشوفك دايما
ثانيا بحييك علي المثال العبقري
كوسه تعمل ايه
نورتنا
بوسى الكتاب ده شكله هايل أنا لازم أقرأه
عميق أوى البوست ده
وضحلى أن أحنا لازم نهتم بالتربيه منذ الصغر لأنها الاساس
عشان الجيل الجاى يكون حاجه تانيه
يا ترى هننجح
في القلب
منورانا يا قمر
والله فرحانه جدا بوجودك
فعلا لازم نبني من الاول صح
تحياتي
صح
انا معا الكلام دا
للأسف هو دا اللي بيحصل
الموضوع جميل واكثر من رائع يا بوسي كالعادة
دمتي في خير
الراقص مع الذئاب
ياااااااااااا
بقالك كتير اوي يا محمد مجتش هنا بس ايه نورتنا
حمدلله علي سلامتك
ويارب تقدر تستمتع بلاجازه بيعدا عن كل السلبيات
جميلة أوي مدونتك
اختياراتك كلها أجمل من بعض بجد
فعلا طبيعتنا اننا نتعتز جدا بآرائنا لدرجة التصلب أحيانا.. بس جميل ان الواحد يؤمن بفكرة لكن الأجمل انه يستوعب آراء وأفكار الآخرين من غير ما يطغي ده عليه..
سعيدة جدا بزيارتك وان شاء الله أتابع الجديد هنا دايما:)
السلام عليكم
لا مانع ان تكون لنا آراءنا المستقلة والمختلفة لكن الروج الى الحق فضيلة
تحياتى
مشكلتنا في العالم العربي مشكلة افتقاد لثقافة الحوار وده الموجود في الغرب انهم عارفين ايه الهدف من الحوار انما عندنا الموضوع مختلف بنعمل حوار بدون هدف لمجرد اثبات الذات وكأن الحوار مجرد معركة لازم ننتصر فيها
تحياتي
فية اراء قابلة للاختلاف والنقاش
وفية اراء في حجات شخصية لا تهم الا الشخص نفسة
وفية حجات لابد المشاركة فيها
بس الموضوع حلو في طرحة بجد
فعلآ لازم نتمسك بجهلنا وعادتنا الظلاميه زى الخمار والحجاب و7444444444444النقاب وشرب بول الرسول ولبن النوق فيه واحده صاحبتى بتشترى بول الجمل بعشرين جنيه الكاس تلاقيها شربت برميل علشان تسكر
المهم إنتى عامله إيه أنا معجبه بالتحجب بتاعك جدآ وربنا يكثر من أمثالك ياأختى
أنا كنت باهزر وياكى
ايما
اشكرك علي تواجدك في المدونه
وطبعا شئ مهم اننا نستوعب ارارء الاخرين ووجهات نظرهم ونتقبلها
نتقبل الاخر حتي لو مختلف معانا
الطائر الحزين
يكون ليا راي مستقل دا شئ كويس بس الراي دا لازم يتبنيي علي اساس سليم
اولا فهم الواقع اللي بتبني عليه الراي ثانيا تسمع اراء اخري تناقش غيرك في الموضوع دا واخير تبتدي تكون راي سليم
تحياتي
انا حر
اول مرة تزور المدونه وياريت نشوفك دايما
بالنسبه للهدف من الحوار
الهدف من الحوار مبني علي انتشار ثقافه الحوار واستيعاب الناس ليها
عجبني جدا تشبيهك للحوار عندنا بالمعركه ولازم حد ينتصر في الاخر
هو كذلك حقا
اشكرك علي مرورك
كراكيب عادل
انا معاك ان في اراء شخصيه
يعني رايك في شخص معين دا راي شخصي مبني علي انطباعك عن الشخص دا
منورنا وياريت نشوفك دايما
جميل اوى الكلام ده كلام يتاقل بالدهب
وفعلا موجود
احنا عصبين اوى ويمكن دى طبيعه فينا ربنا يعفى عنا من العصبيه
انا بحيييكى على طرح الموضوع
وياريت كل شابتر يعجبك متحرمناش منه
تحياتى
Anonymous
الاخت الفاضله
اولا نفسي اعرفك مش معقوله هرد علي حد مجهول مش عرفه هي مين
بس اكيد شرفني وجودك ولم يسعدني رايك كثيرا
انت شايفه ان الحجاب انه تخلف وعادات ظلاميه
ممكن توضحيلي بس النقطه دي
وتوضحيلي انت مين
اختي الفاضله
ممكن
بجد والله شئ جميل جدا
تعليقين علي موضوع واحد
انا بجد سعيده جدا
واشكرك علي كلامك
ورايك اللي استفدت منه
تحياتي
فعلاً الفرق بين الانسان الغربي والشرقي كبيييييير جداً..لكن برضه الإنسان الغربي مش كله محاسن..أكيد برضه فيه مساؤى لأنه بعد كل شئ بشر يخطئ ويصيب ^^..
شكراً..
محمد المصري
بوسى
طبعا الكلام مقنع جدا بس
في حاجات بيغلب عليها الذاتية والتمسك بيها فنحن اناس يحكمنا دين قبل القوانين وتحكمنا تقاليد انا اعتقد ان اغلبها صحيح ويجب ان نتمسك بها أما الذى لابد ان نتعلمه منهم هو ان نعرف كيف نختلف دون تصادم
موضوع جميل مشابه لموضوع سابق كتبته في مدونتي اتمني زيارتي
تحياتي
محمد المصري
اسعدني مرورك الكريم
انا ما قلتش ان الانسان الغربي ملاك
الفرق في الثقافه وطريقه التفكير
دا المقصود
لكن الشخص نفسه مش مقصود
وانا متفقه معاك في ان اي انسان يخطي ويصيب
عبد الرحمن
انا سعيده جداا بوجودك الدائم في المدونه
عبد انا بتكلم عن الااراء
لكن الدين والاعتقادات والعادات الصحيحه
مفيش عليها اختلاف ولا يجوز ان نقول راينا فيها
الدين سمع وطاعه
لكن انا بتكلم عن حالات الحوار بشكل عام في القضايا العامه واذا احنا بنحول الحوار الي ما اشبه بالصراع
اشكر مرورك
تامر حسين
منور المدونه
كويس ان الموضوع عجبك
بس انا زرت مدونتك ومقدرش اوصل للموضوع اللي تقصده
هو عنوانه ايه
؟
تحياتي....
أشكرك لانك لفتي نظرنا الي كتاب جديد لكاتب مبدع...
مشكلتنا في الشرق هي التعصب الاعمي للافكار....للاشخاص...للاندية...الخ..
في رأيي ان الافكار و الاراء تتكامل و لا تتصارع...فعلي سبيل المثال انت تطرحين افكارك و الاخرين كذلك...و بالضرورة سيتم استبعاد فكرة او أخري لعدم ملائمتها...هذا في حد ذاته لا ينقص من الفكرة..ولا الرأي..و لا ينقص من قدر صاحبها بالعكس...لقد انارت و اوضحت ان تطبيقها او الاخذ بها غير ممكن
من هنا فهي مهدت الطريق لاراء أخري تتفاعل و الكل في النهاية يخرج برؤية واضحة.....
علي سبيل المثال...لولا اندية عريقة موجودة مثل الاهلي و الزمالك و الاسماعيلي و الاتحاد و المصري ..., خلافهم
و لو تنافسهم و حرصهم علي الفوز لما كان هناك اي طعم للعبة الكرة في مصر..
لو لم تتكامل اراء و استبعدت اراء اخري...لما تم وضع خطة لحرب اكتوبر المجيدة...
فولتير قال : قد أخالفك الراي و لكني ادفع حياتي ثمنا لان تقولة...
و المقولة الشهيرة ...رايي صواب يحتمل الخطأ....و رايك خطأ قد يحتمل الصواب....اي ان الخطأ و الصواب وارد عندي و عندك .
تحياتي .... و تقديري
علي فكرة دا حقيقي
لا يوجد وجه للمقارنه ببين الاثنين و هذا نظرا لوجود عوامل كثيرة غير محصورة. احمد نجم ارجو زيارتك لمدونتي لسماع اشعاري
http://a7asessha3er.blogspot.com/
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
ادم المصري
سعيده جدا بوجودك
ومرورك الكريم علي مدونتك
وعلي فكره دا بجد حقيقي
الربان
منور المدونه
لانك متغيب عنها بقالك فتره طويله
عوده احمد
انا بجد بحييك علي تعليقك المتعمق في الموضوع
وفكره التعصب لفتت نظري لزاويه جديده في الموضوع ان شاء الله ممكن اناقشها في وقت اخر
اشكر وجودك واحترامك للحوار ولاختلاف
احمد نجم
الاختلاف موجود بس في تشابه بين الاتني
ان احنا بشر وهما كذلك
والايات التقدم
بشريه ليست غربيه او شرقيه
اسعدني مرورك
صاحب البوابه
كل سنه وحضرتك بخير
ورمضان كريم
Post a Comment